قدهااا وقدووود

قدهااا و قدووود


اه يابرودك لا بعد تسأل اذا اني اشتقت لك ....لو تطلع لسابع سما وتنزل تحت ماعود
صدقني ما أقصد اذا مشتاق مره قلت لك ....أصلا لو أنا اطري اسمك ماانته المقصود
لا تظن آهلي بالزهر بالشوك أنا بستقبلك ....ياخي انت لو فيك دم ماكنت لي بتعود
بس لولا خوفي من عظيم ٍ ولا ودي أقتلك ....وهذا حد اللي قتل روحي وشرع حدود
من زود كرهي لو أشوف ابليس والله اتخيلك ....ابليس لويدري بفعالك صار لك معبود
راجع بدمع الذل تطلبني بحسن اعاملك ....لاماطلبت تامر وعد مني ليالي سود
وانت برجلك جيتني ولا أنا ماأبي اقابلك ....يعني خلصت كل الدروب تجي لدرب مسدود
أصلا انا كنت أنتظر فرصة وأرد الدين لك ....اقرب عيوني اقرب ترى كل شي لك مردود
توعدني بدنيا فرح بس تبغى قلبي يرد لك ....يالعنبوها دنيتك يالعنبوها وعود
لو تدري باللي فخاطري اليوم ودي أبهدلك ....ودي أنا أهديك الجفا لا وبكرم وبجود
مثل ماأنا وديتك فوووووق أعرف انزلك ....أخلي البسمه في دنياك شي مفقود
والله لأذلك لين ماحدك أنا لأوصلك ....تقعد مع ناسك تقول انك مو موجود
عليك انادي تقول حاضر أسمعك وأتجاهلك ....أجبرك تبعد وانت في نص الطريق تعود
اهتم بك وأول ماتطمن دقايق اهملك ....تبني آمل تشوفه تلقى اللي انبنى مهدود
مثل ماسويت فيني والله لأسوينلك....واتحدى تنكر وتدري بجروح الليالي شهود
ياما ذرفت بدمع قبلك ياما صبرت اتحملك ....لين ماجفت دموعي واذبلت الورود
حتى أنا لفتره اذا دمعك على خدودك سلك....ابخوفي على خدك بغيت ابادلك الخدود
كنت أسألك في اي شي تافه غبي بس أسألك ....عسى ألاقي في شي يفرحني وسط الردود
تصدق اني كنت من كثر غرامي وحبي لك ....أغلط وأنادي امي باسمك بلا مقصود
محدٍ وصل حبي آبد محدٍ تعدى عشقي لك....امك وهي امك انا عنها أحبك زود
ولي قلت ابحيي بك غرامي شفته بأسبابك هلك ....وأصبح هواك في دنيتي وعنا وقيود
لا وكل مالك حبل ود تشده وانا ارخيه لك ...ملعون ابو حبلٍ قضى نص العمر مشدود
وتسأل اذا اني اشتقت لك انا اللي ابغي اسألك ....ماتستحي تسأل عقب ماشفت منك صدود
ياخي انت صاحي ؟و لا غرورك بعده مهبلك ....ان كنت تستهبل لك عندي هبال قرود
ياخي انت صاحي ؟ولا غرورك بعده مهبلك....انت بغرورك وانا تسجد لي المعاني سجود
ومن عقب حبي الاهبل اللي مخليني دوم انقاد لك ....ابشر ربيع القلب ناوي انه يقودك قود
تدري بغيت اقول لك شي وخايف ازعلك ....انت اذا عشرة بغوك بغوني بليا حدود
هي انت ..هي انت ..انت وين رحت فكرك لوين موصلك ...بالاول انا مثلك وكل مابك جفى وبرود
طييييييييب ترى يافلان والله اللي كملك ....صبرك لرويك كل جزى للي بدا بجحود
لا تظن هذا بس كلام ولا انا ناوي ازلزلك .....صدقني ياعيوني تراني قدها وقدووود

وسلامتكم



منقوول